صالة تقدر تسميها البانوراما

تشيل طال عمرك 22 شخص، ماعليكم من الصورة لان زدنا الجلسات، واذا تبون تزيدون؟ ابد الامر سهلات.. نقدر نزيد الجلسات الى 40 شخص.. تدلل بس!
وعندك طاولة طعام لـ 12 شخص
اطلالات!!! حتى لو ترفع راسك شفت الشراحة، بس انتبه لاترفع راسك اكثر من 90 درجة ثمن نبلش فيك.
تكييف مركزي.. مدلعينكم بعد..
اما الاثاث صدق عاد والله ما جبناه من الحراج.
وعندكم منطقة خدمات للصالة.

مجلس الرجال… فخااااامة

تشيل طال عمرك على الأقل 18 شخص.
وطاولة طعام لـ 12 شخص.
اطلالات امامية بالكامل، بس ذي المرة عاد مافي رفعة راس، نخاف بعد يجيك شي.
تكييف مركزي برضوا له حقه.
الأثاث.. حتى ذا قسم بالله مو من الحراج.
ومنطقة خدمات للمجلس.

المسبح لحاله حكاية

تبيه دافي؟! ابشر بسعدك طال عمرك..
طيب تبيه عميق؟! تم..
تدري عاد! وش رايك خل عمقه بس 30 سم وخل العيال يطافشون
اي عاد بس لا تنسى تقفل المسبح
كل هذا يصير، واكثر بعد..
المسبح لحاله جلسنا سنة عشان نخطط له، مساحته 9 في 4، وبالنسبة للعمق جلسنا نقترح وشلون نرضي جميع الضيوف، نط علينا واحد باقتراح ان نحط الارضية متحركة نرفعها ونزلها حسب رغبت الضيف، واللي اقترح هذا الاقتراح نصاب بس تو جاه مولود وعمره حدود السنة ويبي يحط المسبح مناسب له عشان ولده يطافش بالمسبح..
وسوينا اقتراحه بعد ما لعب علينا وصار العمق تختاره حسب رغبتك واقصى عمق له 1.60

جلسة خارجية،، بس مو اي جلسة!!!

أشغلوكم؟! وجهوهم هنا بس…

عاد بعض الامهات مايرتاحون الا لين شافوا اطفالهم قدامهم.. ميييري.. هاتي القهوة…

تعال تعال!! تحسب ان قضينا؟!!! عاد بعد السباحة والله من الجووووع…

ايشي شوي…

ايشي طبخ…

والى هنا سيداتي سادتي تنتهي سهرتنا لهذه الليلة نتمنا لكم جميعاً نوماً هانئأً وتصبحون على خير…

احجز الآن
عربة التسوق